XX. mendeko Euskararen Corpus estatistikoa
Testuingurua
ERREPORTAIANAFARROA OINEZ: ANTOLAKETAREN AZKEN TXANPAN MURGILDUAK
AURTENGO NAFARROA OINEZ BIDASOAREN INGURUAN EGINEN DELA PROBETXATUZ, IZOKIN BAT HARTU DUTE LOGOTIPO BEZALA ANTOLATZAILEEK, PRESA ETA OZTOPO GUZTIEN GAINETIK SALTOKA DATORREN IZOKIA, ALEGIA.
TESTUA JOXEMANUEL IRIGOIEN
ARGAZKIAK KARMELE TOLOSA
Furi furian dabiltza Nafarroa Oinez 94ko antolaketarako Lan Batzorde guztiak.
Hoietariko batzuk egina dute jada esfortzurik haundiena, bertze batzuk, ordea, hemendik aitzinera joanen dira zehazten eta osatzen.
Guztien artean zientoka lagun dira lanean dabiltzanak irailaren 18ko egun nagusia inolako arazorik gabe gainditzeko.
Tamaina honetako ekitaldi batean normala den bezala, lan egitura zabala jarria dute martxan Labiaga ikastolakoek.
Lan Batzorde bakoitzak bere ardurak xeheki zehaztuak ditu eta bakoitza bere martxan ari da lanean Batzorde Iraunkorra eta koordinatzailean begiradapean.
Izokiaren logotipoa daramatela, klase guzitako materialak atera dituzte saltzera.